Philadelphia University discovered medicine to remove HIV virus from human DNA

హెచ్‌ఐవీ వైరస్ మటుమాయం!

HIV discovery reveals virus hidden in immune system cells

Philadelphia University discovered medicine to remove HIV virus from human DNA

ఫిలడెల్ఫియా: ఒక్కసారి ఎయిడ్స్ కారక హ్యూమన్ ఇమ్యూనోవైరస్ కానీ మనుషుల

కణాల్లోకి చేరిందంటే, ఇక అదెప్పటికీ అక్కడే ఉండిపోతుంది. అత్యంత

ప్రమాదకరమైన డీఎన్‌ఏను ఈ వైరస్ మానవ డీఎన్‌ఏలో ప్రవేశపెడుతుంది.

ఫలితంగా ఈ వైరస్ బారినపడినవారు జీవితాంతం మందులు వాడుతూనే ఉండాల్సి

వస్తున్నది. ఇటీవల ఫిలడెల్ఫియాలోని టెంపుల్ యూనివర్సిటీ స్కూల్ ఆఫ్ మెడిసిన్

పరిశోధకులు ఈ వైరస్‌ను శాశ్వతంగా మానవ కణాల నుంచి తొలగించే మార్గాన్ని

కనుగొన్నారు. వీరు హెచ్‌ఐవీ-1 వైరస్‌ను మానవకణాల నుంచి శాశ్వతంగా

తొలగించగలిగారు. ఏక్వర్డ్ ఇమ్యూనో డెఫిషియన్సీ సిండ్రోమ్ (ఎయిడ్స్) వ్యాధి

శాశ్వత చికిత్స కనుగొనడంలో ఇది తొలిమెట్టు అని పరిశోధనలకు నేతృత్వం

వహించిన కమేల్ ఖలాలీ తెలిపారు. ఇప్పటికిప్పుడు ఈ చికిత్స అందుబాటులోకి వచ్చే

అవకాశం లేదు కానీ.. సమీప భవిష్యత్తులో అందుబాటులోకి తెచ్చే లక్ష్యంతో

పరిశోధనలు కొనసాగిస్తున్నామని వివరించారు. ముందుగా పరిశోధకులు

హెచ్‌ఐవీ-1 వైరస్ డీఎన్‌ఏను గుర్తించే గైడ్ ఆర్‌ఎన్‌ఏను తయారుచేశారు. దీనిని

ప్రయోగించినప్పుడు కణ డీఎన్‌ఏలకు అతుక్కుపోయిన వైరస్ డీఎన్‌ఏ పోగులను

గుర్తించింది. ఆ తరువాత డీఎన్‌ఏ మరమ్మతుల కోసం ఉపయోగించే సీఏఎస్9 అనే

ఎంజైమ్‌తో పరిశోధకులు వైరస్ డీఎన్‌ఏను మానవకణ డీఎన్‌ఏ నుంచి తొలగించారు.

ఆ వెంటనే కణంలో సహజంగా ఉండే జన్యుమరమ్మతు వ్యవస్థ ఉత్తేజితమై తెగిపోయిన

మానవకణ డీఎన్‌ఏ పోగులను అతికించేస్తుంది.వైరస్ డీఎన్‌ఏ లేని కణాలు

తయారయ్యాయి అంటే.. ఎయిడ్స్ వ్యాధి నయమైపోయినట్టే. ప్రపంచవ్యాప్తంగా 3.3

కోట్ల మంది ఎయిడ్స్ బాధితులున్నారు.

Leave a Reply

Your email address will not be published. Required fields are marked *